VÅR

Fotoprosjektet #2022dagfordag tar tid. Men andre foto blir og tatt. Her har eg sett saman foto med fellesnevnaren VÅR. Vårsesongen i år starta på Hornborgasjøen like før påske, se eige blogginlegg. Her heime er det dei første trekkfuglane som svarttrost og rødstrupe, som innleier årstida vår for meg. Eit anna vårteikn – som ikkje så mange kjenner til – er duetrostens lågmælte song i vårskogen.

I påsken fekk eg – for første gong – bli med til ein hoggormplass – ei steinur – i Tynset kommune med rundt 10 ormar. Desse slangane overvintrar saman på faste plassar kvart år. Så snart det våres – ofte sist på mars – kjem dei ut for å «slikke» sol. Dei er litt trege i bevegelsana, klumper seg saman og er lette å fotografere. Dette blir nok fast innslag på våren i åra framover.
Eg trudde eg hadde funne tiurleiken etter mange dagar med spaning – men det var berre ein tiur som spelte der rundt teltet mitt. «Hovedleiken» var lenger unna – eg skimta dei mellom trea – kor dei hadde etablert spelplass på og ved sida av fylkesvegen! Såg både tiur og fleire røyer der. Men etter dei første bilane i halv sekstida forsvann dei.
Hoppande tiur. Det blei slik – litt vrien vinkel, tre mellom meg og tiuren og ei linse som ikkje heilt var tilpassa formålet.
Ei av dei første plantene som kjem, er torvmyrull eller torvull. Den blomstrer sist på april eller så fort dei får «hodet over vannet». Dette er frå ei fotoøkt med mykje snø i lufta. Torvull har ikkje uventa vindpolinering.
Ein muserik vinter har det vore – denne reven gjorde fleire forsøk på å fange mus utan hell.
Ein kald maimorgon – minus 8 – møtte eg denne ungoksen der han stod i morgonsola og varma seg.
Tranane kom hit i år og.
Trost har vore eit prosjekt i vår – mange timar i kamuflasjeteltet har gitt resultat.
Horndykkaren går til hekking så fort det blir ope vatn i Gjettjønna. Eg blir fasinert av den lille fargeklatten ute i snellebeltet.
Dvergmåker langt ute på tynn våris på Gjettjønna.

Legg igjen en kommentar

Fyll inn i feltene under, eller klikk på et ikon for å logge inn:

Gravatar
WordPress.com-logo

Du kommenterer med bruk av din WordPress.com konto. ( Logg ut /  Endre )

Facebookbilde

Du kommenterer med bruk av din Facebook konto. ( Logg ut /  Endre )

Avbryt

Kobler til %s

%d bloggere liker dette: